SERIKALI YABORESHA MFUMO WA UHASIBU KUHARAKISHA UTOAJI HUDUMA

 

 

 📌BAHATI MSANJILA

Serikali kupitia Ofisi ya Rais Tawala za Mikoa na Serikali za Mitaa (TAMISEMI) kwakushirikiana na Benki ya NMB imeboresha mfumo wa uhasibu na utoaji wa taarifa za fedha katika vituo vya huduma ili kuhakikisha usalama wa fedha na kuharakisha utoaji wa huduma kwa jamii.

 

Katibu Mkuu wa Ofisi ya Rais – TAMISEMI, Adolf Ndunguru, amesema hayo jijini Dodoma wakati wa uzinduzi wa mafunzo ya matumizi ya Bank Mtandao kwa Mamlaka za Serikali za Mitaa.

 

Kwa upande wake, Mkurugenzi wa Serikali za Mitaa, Angelista Kihoga, ameeleza kuwa mfumo huo utasaidia kupunguza muda na gharama sambamba nakusaidia ufutaliaji wa mapato.

 

Naye, Mkuu wa Idara ya Huduma za Serikali kutoka NMB, Bi. Vicky Bishubo, amesema mfumo huo utarahisisha ukaguzi na uwazi wa fedha, akibainisha kuwa benki hiyo ilifanya majaribio kwenye halmashauri 10 na kufikia Desemba 2024, shule na vituo vya afya zaidi ya 1,000 vilikuwa vimeunganishwa na huduma ya Internet Banking.