📌BAHATI MSANJILA
Katika jitihada za kuhamasisha afya na umuhimu wa
mazoezi, Bonanza la Bunge linatarajiwa kufanyika jijini Dodoma, likiwakutanisha
wabunge, watumishi wa Bunge, na mashabiki wa michezo. Bonanza hili linalenga
kuhimiza watu kufanya mazoezi mara kwa mara ili kuepuka magonjwa yasiyoambukiza
na kupunguza mzigo wa matibabu kwa jamii.
Mwenyekiti wa Bunge Bonanza, Festo Sanga,
amesema bonanza hili limeendelea kukua na mwaka huu linatarajiwa kuwa kubwa
zaidi kuliko mabonanza yote yaliyopita.
Tunataka kuona watu wakichangamkia fursa ya kufanya mazoezi ili kuboresha afya zao, Pia, tunalenga kuimarisha mahusiano kati ya wabunge na watumishi wa Bunge kupitia michezo,Bonanza hili litafanyika kwenye viwanja vya John Merin na litahusisha mashabiki wa timu za Simba na Yanga, huku Rais wa Shirikisho la Mpira wa Miguu Tanzania (TFF), Harris Karia, akiwa mgeni maalum na Mgeni rasmi wa tukio hilo ni Spika wa Bunge la Jamhuri ya Muungano wa Tanzania, Dkt. Tulia Ackson.
Katika kuhakikisha bonanza linakuwa la mafanikio, waandaaji wake wamepanua wigo wa ushirikiano kwa kushirikiana na wadau mbalimbali, zikiwemo taasisi za serikali na binafsi kama DUWASA na Hospitali ya Benjamin Mkapa.
Meneja wa Azania Bank Tawi la Dodoma, Laiberia Peter, amesema benki hiyo imefadhili bonanza hilo kwa kutoa vifaa vya michezo, ikiwa ni sehemu ya kuhamasisha mazoezi na kuchochea afya.
Tunahamasisha watu kufanya mazoezi kwa ajili ya afya zao, na pia tutatoa huduma zote za kibenki, ikiwemo kufungua akaunti na maelezo mengine,
Kwa upande wa timu ya Yanga, Afisa wa Chama na Matawi, Jimy Kidoki, amesema timu yao inaongoza kwa ushindi dhidi ya mpinzani wao na ameiomba Azania Bank kuendelea kuongeza michezo ili kuimarisha ushindani.
Ameongeza kuwa kuelekea mechi ya mwezi wa tatu, Yanga itaendelea kusimamisha minara.
Katibu wa Tawi la Simba Dodoma, Salim Ali, amesema mwaka jana kwenye bonanza kama hili timu ya Simba iliibuka kinara katika michezo yote isipokuwa mpira wa miguu, na wamejipanga kuonyesha makali yao mwaka huu.
Mbunge na shabiki wa Simba, Magreth Sitta, amepongeza Azania Bank kwa udhamini wake na kusisitiza kuwa bonanza hilo litumike kuleta mshikamano, amani, na furaha miongoni mwa washiriki.
Mashabiki wote wanakaribishwa kushiriki bonanza hili la kipekee, ambalo linatarajiwa kuwa moja ya matukio makubwa ya michezo mwaka huu.
.jpeg)
.jpeg)
0 Comments