NYOTA MCHEZO WA MIELEKA WWE HATIANI KWA KOSA LA MAUAJI

📌ABDULKARIM KESSY 

BAADA ya wiki kadhaa gwiji wa WWE Billy Haynes kukamatwa kuhusiana na mauaji, sasa nyota mwengine wa zamani wa WWE anakabiliwa na shutuma hiyo hiyo.

Nyota huyo amejisalimisha mara baada ya hati ya kukamatwa kwake kutolewa.

Daniel Rodimer almaarufu Dan Rodimer katika WWE aliyefanya kazi katika kampuni hiyo kati ya 2006 na 2007 akiwa mshiriki katika shindano la Tough Enough la 2004 huku akitumia muda wake mwingi chini ya mkataba na WWE katika MIELEKA ya Deep South na Ohlo Valley Wrestling.

Hatimaye alicheza kwa mara ya kwanza kwenye orodha kuu na kumpiga Eugene lakini akarudishwa kwenye OVW na FCW.

Rodiner aliachiwa na WWE mnamo Agosti 2007 huku nyota huyo akiwa na taaluma ya kisiasa lakini baada ya kifo cha mzee wa miaka 47 kutolewa huko Las Vegas, Neveda, alitafutwa kwa uhalifu.

Police wa Las Vegas walitoa taarifa ya kumtaja Rodimer kama mshukiwa wa mauaji ya Christopher Tapp mnamo October 29,2023 ingawa mwanzoni ilifikiriwa kuwa ajali, inaonekana kuna mambo ndani yake.

Nyota huyo sasa amejisalimisha kwa mujibu wa ripoti ya kituo cha runinga cha CBS cha KLAS Channel 8 huko Las Vegas, Rodimer alijisalimisha kwa police baada ya amri ya kukamatwa kutolewa mapema wiki hii kwa mashtaka ya open murder huku ikidhaniwa Tapp amefariki kwasababu ya "dhahiri ya kupita kiasi" na "kuanguka" maelezo zaidi yaliibuka kuhusu kifo hicho.

Kulingana na hati ya kukamatwa iliyopatikana na KLAS Channel 8, nyota huyo wa zamani wa WWE alikasirishwa na Tapp baada ya kumpatia binti wa kambo Rodimer kitu kisicho halali.

Shahidi kisha akamsikiliza Rodimer akisema, 'ikiwa utazungumza na binti yangu tena, nitakuua.' Mara tu baada ya kumsikiliza Dan akimwambia Christopher hivi, (shahidi) alisikia kelele mbili kubwa za kishindo.

Mashahidi wengine walidai kuwa Rodimer alimpiga Christopher, na kumuangusha chini, wakati kichwa cha Tapp kiligonga meza ndogo baada ya hayo inadaiwa Rodimer aliendelea kumpiga ngumi.

Kuna maelezo ya shahidi  yanayokinzana ambayo yanasema kwamba Tapp alitereza na kuanguka, akijigonga kichwa chake kwenye meza ya kahawa.

Mke wa Rodimer, Sarah pia inadaiwa walikorofishana ambapo alizungumza kuhusu kilicho tokea, akisema kwamba alikuwa akimtazama karibu kumuua mtu.

Nilikutazama ukikaribia kumuua mtu na ilinibidi nichukue mikono yako kutoka shingoni mwake alipokuwa amelala pale na ukakimbia na nilitumia saa mbili zilizofuata nilitumia kumuhudumia. Hakuna mwanamke anayepaswa kutazama mume wake akiua.