WAAKUU WA MIKOA, WILAYA NA WAGANGA WAKUU SIMAMIENI MAANDALIZI KAMPENI CHANJO YA POLIO-WAZIRI UMMY

 📌SUZANA  ALEX

SERIKALI  Kupitia  Wizara  ya Afya  kwa  kushirikiana  na  Ofisi  ya  Rais  Tawala  za  Mikoa  na  Serikali  za  Mitaa  [TAMISEMI] na  Wadau   mbalimbali  imesema  inatekeleza  afua  mbalimbali kwa ajili ya  kuwakinga  kudhibiti  na kukabiliana  na  magonjwa hususani  kuwakinga  watoto  na  magonjwa  yanayozuilika  na  chanjo .

Hayo  yamesemwa  na   Waziri  wa  Afya  Mhe  Ummy  Mwalimu   alipokua  akizungumza  na  vyombo  vya  habari  Septemba  8, mwaka 2023  Jijini  Dodoma  na  kubainisha  magonjwa  yanayozuilika  kwa  chanjo  ni  Polio, Surua, Saratani  ya mlango  wa  kizazi, kifaduro, kuhara  kukali, kichomi  na  kifua Kikuu.

Pia  amesema  kwa  kipindi  cha  miaka mitatu mfululizo  nchi  yetu  kama  ilivyo  mataifa  mengine  ilikabiliana  na  janga  la  ugonjwa  wa  UVIKO -19  ambao  umeleta  athari  kadhaa  kwa  afua  zingine  za afya  ikiwemo  kuathiri  mwitikio  wa  chanjo  mbalimbali  nchini.

Tumefanya  tathimini  kuanzia  mwaka 2020-2022  tumeona  kuna  watoto  1,988,022  hawakupata  chanjo   yoyote  vilevile  kwa  kipindi  hicho [2020-2022] jumla  ya  watoto  1,595,564  hawakukamilisha  ratiba  za  chanjo  zote  na  hivyo  kupelekea  kujitokeza  kwa  visa  na  milipuko  ya  magonjwa  yanayozuilika  kwa  chanjo  ambayo  yalikua   yamedhibitiwa  ikiwemo  ugonjwa  wa  Surua, Rubella  na  Polio

Ummy.

Aidha  amesema  kupitia  ukaribu   wa  kijiografia  na  mwingiliano  mkubwa  wa  watu  uliopo  kati  ya   nchi  yetu  na  nchi  zenye  mlipuko  wa  ugonjwa  wa  Polio  hivi  sasa, anapenda  kuutarifu  umma  kuwa  kutakua  na  Kampeni  maalumu  ya  utoaji  wa  chanjo  ya  matone  dhidi  ya  Polio [nOPV2] kwa  watoto  wote  wenye  umri  chini  ya  miaka [8] kampeni  hii  itafanyika  kwa  siku  nne  kuanzia  tarehe  21 – 24 Septemba, mwaka  2023 katika  mikoa  sita   inayopakana  na  nchi  zenye  mlipuko  wa  Polio  ambayo  ni  Rukwa, Kagera, Kigoma, Katavi ,Songwe  na  Mbeya.

Natumia   fursa  hii  kutoa  maelekezo  kwa  waheshimiwa  Wakuu  wa   Mikoa  na  Wilaya  za  Tanzania  Bara  zitakazohusika  na  zoezi   hili  kusimamia  kwa  karibu  maandalizi  na  utekelezaji  wa  Kampeni  hii  kupitia  Kamati  za  Afya  ya  Msingi  ngazi  za  Mikoa  na  Wilaya. Aidha nawaelekeza  Waganga  Wakuu  wa  Mikoa  na  Halmashauri  kuhakikisha  upatikanaji   wa  chanjo

Ummy