MAAFISA USTAWI WA JAMII WAASWA KUFANYA KAZI KWA WELEDI.

📌SUZANA  ALEX

MAKAMU  wa  Rais  wa Jamuhuri  ya Muungano  wa  Tanzania Dkt  Philipo  Isidor  Mpango amewataka  maafisa  ustawi  wa  jamii  kufanya  kazi  kwa weledi  na  kuzingatia  sera, sheria  na  miongozo  mbalimbali  ya  utoaji  wa  huduma  za  ustawi  wa  jamii  ili  kuwezesha  utoaji  wa  huduma  bora.

Hayo yamesemwa na Naibu Waziri Mkuu Dkt. Doto Biteko wakati akifungua  mkutano  mkuu  wa  mwaka  wa  utendaji  wa  maafisa  ustawi  wa  jamii  nchini  Jijini Dodoma  Septemba 6, 2023  kwa niaba ya Makamu  wa  Rais  wa Jamuhuri  ya Muungano  wa  Tanzania Dkt  Philipo  Isidor  Mpango 

Naelekeza  maafisa  ustawi  wa  jamii  kote  nchini  kuendelea  kutoa  elimu  ya  afya  ya  akili na  msaada  wa  kisaikolojia  kwa  jamii  ili  kupunguza  au  kutokomeza  vitendo  vya  ukatili  kwenye  makundi  mbalimbali  ya  kijamii, hii ni kutokana  na  ushahidi  unaoonesha  kuwa  afya  duni  ya  akili  huchangia  vitendo  vya  ukatili

Biteko.

Ni  rai  yangu  kwa  viongozi  wa dini  zote  na  wazee  wa  mila  kuendelea  kukekemea  vikali  matendo  maovu  katika  jamii  yetu  na  kufundisha  mema, Ni  imani  yangu  kuwa  endapo  waumini  wa  dini   mbalimbali  watazingatia  mafundisho  ya  dini  zao  ustawi  wa  jamii  yetu   utaimarika  kwakuwa na  familia  bora zenye  watoto  waliolelewa   na  kufundishwa  maadili  mema

Naye  Waziri  wa  Maendeleo  ya  Jamii, Jinsia, Wanawake na  Makundi  Maalumu  amesema  kuwa  vituo   vinavyohusika  na  kutoa  huduma  za  ustawi  wa  jamii  ni  pamoja  na  Vituo  vya  huduma  za  ustawi  katika  Mikoa  na  halmashauri,vVituo vya  kutolea  huduma  za  afya,  mahabusu za  watoto, shule  za  maadilisho, makao  ya  watoto, vituo  vya  kulelea  watoto  wadogo  mchana, Nyumba  salama, Vituo  vya  mkono  kwa mkono, Mahakama, Magereza, Taasisi  na  Vyuo  vya  Elimu  ya  Juu , Shule  za  Msingi  na  Sekondari, maeneo  yote  ya  kazi , Taasisi  za  dini  pamoja  na  maeneo  yote  yenye  kuleta  mahusiano  kati  ya  mtu,  familia  na  jamii  yote  kwa  ujumla.

Maafisa  Ustawi  wa  jamii  waliuohudhuria  katika  mkutano  huu  ni  wale  ambao  wanafanya  kazi  katika  taasisi  binafsi  na  Serikalini   kwa  maana  ya  Halmashauri, Wizara  za  kisekta  na  Taasisi za  Umma  na  Sekta  Binafsi. Aidha Maafisa  hawa  ni  wale  waliosoma  kada  za  Ustawi  wa  Jamii, Sosholojia, Saikolojia, Unasihi  na  ushauri, Malezi  na  Makuzi, Ulinzi  wa  kijamii na Gerentolojia ya kijamii

Gwajima.