PPRA NA TAKUKURU WAINGIA HATI YA MAKUBALIANO MAPAMBANO DHIDI YA RUSHWA

 📌JASMINE SHAMWEPU

MAMLAKA  ya Udhibiti wa Manunuzi ya Umma Nchini (PPRA)  pamoja na Taasisi ya kuzuia na kupambana na rushwa (TAKUKURU) wameingia Mkataba wa  Hati ya makubaliano  ya  mapambano dhidi ya rushwa  katika suala zima la manunuzi ya Umma  yenye lengo la kuzingatia Sheria ili kuondokana na rushwa katika ununuzi wa Umma na kutoa onyo kwa  Taasisi yeyote itakayokiuka sheria za manunuzi itawajibishwa kwa kuchukuliwa hatua za kisheria.

Akizungumza Jijini Dodoma wakati wa utiaji saini wa Mkataba huo, Mtendaji  Mkuu wa Mamlaka ya udhibiti wa manunuzi ya Umma Nchini PPRA, Eliakim Maswi  amesema kuwa  kama Mamlaka itazingatia kuendelea kutekeleza majukumu yao kwa weledi na uaminifu katika kuzingatia suala la sheria ya manunuzi pamoja na matumizi mazuri ya fedha za umma kwa manufaa ya Taifa.

Maswi ameeleza kuwa Makubaliano hayo ni muendelezo wa Ushirikiano wa  Kitaasisi wenye lengo la kuondoa rushwa katika michakato ya ununuzi wa Umma  Nchini ambapo wameamua kuongeza wigo wa ushirikiano kwa kuongeza juhudi katika mapambano dhidi ya rushwa.

Mtendaji  Mkuu huyo amebainisha kuwa Mwaka 2010 PPRA na TAKUKURU wailiingia kwa mara ya kwanza  Makubaliano ya Ushirikiano  katika kupambana na rushwa katika Manunuzi ya Umma ambapo  TAKUKURU ilipewa jukumu la kufanyia kazi  taarifa zinazotolewa na PPRA ya viashiria vya Rushwa   ambapo ni moja ya hatua katika utekelezaji wa mpango wa  mapambano dhidi ya rushwa na hivyo kuamua kukubaliana kuhuisha ushirikiano huo kwa kuongeza wigo wa mashirikiano hayo kwani kwenye ununuzi wa umma ndio kwenye rushwa kubwa hivyo wanahitaji TAKUKURU ambao wana utaalam kuhusu rushwa kuwasidia katika eneo hilo.

Kwa mujibu wa kifungu cha nane cha Sheria ya Manunuzi  sura ya 410 PPRA wamekasimiwa jukumu la kuhakikisha wanausimamia Thamani ya Fedha za Umma katika suala zima la fedha katika manunuzi kwa  kuzingatia haki, ushindani uwajibikaji wa fedha za umma ili kuhakikisha kuna ufanisi  katika Sheria za Umma kwa kuweka viwango vya ununuzi ambapo wameweka mfumo mpya wa Nest ambao utawasaidia katika kutekeleza  suala zima la manunuzi kwa ufanisi mkubwa.

Amesema kuwa kutokana na kuona utaalam wa TAKUKURU katika uchunguzi dhidi ya rushwa tukaamua kuona umuhimu wa kuingia makubaliano hayo pamoja na ukiukwaji wa sheria wenye jinai katika suala zima la manunuzi ya umma.

Kwa upande wake Mkurugenzi Mkuu wa Taasisi ya kuzuia na Kupambana na rushwa nchini eneo ambalo limekuwa na changamoto ya muda mrefu ni eneo la manunuzi ya Umma toka Tume ya Warioba ilionyesha eneo hilo lina changamoto kubwa ya rushwa wameingia makubaliano hayo ili kupambana na rushwa kwani rushwa katia ununuzi wa uma ni tishio katika ustawi wa maendeleo wa Taifa lolote Duniani