WANAWAKE WEPEWA SEMINA KATIKA KUINUA UCHUMI NA VIWANDA

 📌AMISA AMIRI & WILSON JOHN.

NAIBU Waziri wa Kilimo na Mbunge wa Dodoma mjini Mh.Antony Mavunde amewataka wanawake wajasiriamali jijini Dodoma kuchangamkia fursa katika biashara pamoja na kuongeza ujuzi ikiwemo kushiriki semina mbalimbali ili kujifunza na Kuongeza chachu katika kuinua uchumi wa viwanda

Kauli hiyo ameitoa Leo juni 9 jijini Dodoma wakati akizindua kampeni ya Wanawake wanaweza maarufu kama (SheCanDoIt) yenye lengo la kumuinua mwanamke kiuchumi na kumtoa katika biashara ndogo hadi kumiliki kiwanda kutokana na kuzingatia mafunzo ya semina.

Amesema serikali imetenga pesa kwaajili ya kujenga Jiji la Dodoma hivyo fursa za biashara zitaongezeka kutokana na mji kupanuka na hii itawanufaisha wajasiriamali.

Lakini pia serikali imeanzisha Sera itakayowanufaisha wanawake, watoto na makundi maalumu kwani serikali ina sheria ya asilimia 30 ya wanawake kujihusisha katika frusa hizo za ajira

Wanawake wajasiriamali serikali kupitia Sheria hizo inawapenda sana na inahitaji mfike mbali katika kuanzisha biashara na kuja kufikia uchumi wa viwanda na ndio maana bado fursa zinaongezeka na kuwalenga

Ambapo ajira za vijana wazee na watu wenye ulemavu  wakiwemo wakina mama kuhusika katika kupata na kuchangamkia frusa za ajira ambapo ni moja ya malengo ya serikali katika kukuza ajira kwenu

Mh Mavunde.

Kwa upande wake Kiongozi na msimamizi wa biashara ya wajasiriamali Bi. Festa Mbunga ametoa elimu kwa wanawake wajasiriamali ili kukuza biashara zao ambapo amesema  katika kuanzisha biashara kunahitaji mipango, maamuzi na maadalizi ya kina ili kuweza kuwa mfanyabiashara endelevu na mkubwa  pia amewataka wanawake  kuacha kuchukuwa mikopo kwa shinikizo au kushawishiwa

Kwa sasa wajasiriamali wameweza kupata wawekezaji ambao wanawainua wanawake katika kukuza biashara nayo ni Bank na Makundi ya wanawake katika kukuza na kuanzisha biashara hivyo changamkieni fursa

Ni vibaya kwa mjasiriamali yeyote kuchukua mkopo mkubwa ambao upo kinyume na biashara yake na hiyo inakuja baadaa ya kuingizwa katika ushawishi wa kuchukuwa mkopo usio na malengo.

Bi.Festa.

Naye mjasiriamali wa kujitegemea Bi. Zuhura Mkweo amesema semina hii imekuwa na faida kwake ambapo ataenda kuwa msimamizi bora wa biashara yake ya kuuza matunda na juisi kutokana na elimu aliyopatiwa leo

Nimejua jinsi ya kuongeza mtaji kutoka Benki yaani mkopo pia nimepata akili mpya ya kwenda kutatua changamoto baadhi katika biashara yangu kupitia hapo nitaweza kuongeza mtaji kuwa mkubwa zaidi.

Pia ni vyema kuendelea kupenda kazi yetu tunayoifanya kwa ababu serikali yetu inatuunga mkono ili kufikia malengo makubwa kupitia ujasiriamali wa wafanyabiashara wote tukiwemo na sisi wanawake

 Zuhura.