WANAWAKE WAPEWA ELIMU YA UJASIRIAMALI.

📌SALMA HAROUN & JOSEPHINE MTWEVE.

Kutokana na Mchango wa wanawake kuchochea maendeleo na kukuza uchumi nchini Halmashauri ya jiji la Dodoma inaendesha zoezi la kutoa mafunzo ya kuwakwamua kiuchumi Wanawake wajasiriamali ili kuleta tija zaidi.

Miongoni mwa vikwazo vilivyokuwa vinawakumba Wanawake wajasiriamali ni ukosefu wa Elimu ya matumizi mazuri ya fedha na hivyo kushindwa kufikia malengo.

Afisa biashara wa jiji hilo, Donatila Donisi, amesema wamekusudia kuelimisha Wanawake kwa lengo la kurasimisha biashara zao na kuwasaidia kutambulika Serikalini.

Sisi kama Jiji hususani kwenye ofisi ya biashara tumekuja kwaajili ya kuwapa elimu na kuwaambia umuhimu wa ulipaji kodi ili kuwezesha serikali kufanya maendeleo,

Kwa upande wake Mwenyekiti wa jukwaa la wanawake mkoani hapa, Mary Mbwire amewashauri wanawake kutumia fursa hiyo kujitokeza kugombea katika nafasi mbalimbali za uongozi hapa nchini ili kujikwamua kiuchumi na kusaidia wenzao kujipatia maendeleo.

Tukisikia habari za majukwaa huko mitaani kwetu tusidharau tugombee na kuwasaidia wengine katika nyanja mbalimbali za kimaendeleo

Matumaini ya wajasiriamali hao ni kuwa Elimu hiyo itawapatia fursa mbalimbali.