MACHINGA COMPLEX KUWA CHACHU YA MAENDELEO DODOMA.

 📌SALMA HAROUN.

WAFANYABIASHARA wadogowadogo maarufu kama machinga wa Jiji la Dodoma wametakiwa kuhamia katika soko la machinga complex liliopo Bahi road kuanzia sasa hadi tarehe 23 Septemba mwaka huu ambapo ujenzi huo umefikia asilimia 100 utakaoweza kuwasaidia  wamachinga kufaidika kupitia mradi huo.

Mradi huo umegarimu takribani bilioni 9.53 ambapo wamachinga 3000 wanatarajiwa kuingia katika soko hilo ifikapo tarehe hiyo iliyopangwa kwa lengo la kuwafanya wafanyabiashara wakopesheke.

Kwa mujibu wa Mkurugenzi wa Jiji la Dodoma, Joseph Mafuru amesema wamachinga wataweza kufaidika kutokana na faida zitakazopatikana katika soko hilo.

Amesema wamachinga watakua katika mpangilio maalumu uliopangwa utakaoweza kusaidia kufikiwa kwa urahisi katika kupata mikopo itakayo wasaidia katika biashara zao

Mradi huu utasaidia kujulikana eneo lako ni lipi n akutambulika kuwepo katika mifumo ya benki itaweza kuwasaidia wamachinga katika kupata mikopo,

Aidha ameongeza kwa kusema kuwa soko hilo lina uwezo wa kubeba wamachinga 5000 kwa kusudi la kufanya manunuzi yote kufanyika katika soko la Machinga Complex ikiwa kama agizo la Mh Rais alivyoweza kuagiza Jiji la Dodoma kuwa safi.