WADAU ELIMU WAIOMBA SERIKALI KUWEKA UWIANO WA WALIMU KUZINGATIA MAKUNDI MAALUMU

 

 

📌RHODA SIMBA 

WADAU wa elimu wameiomba Serikali kuweka uwiano wa walimu shuleni kwa kuzingatia makundi  ya watoto wenye ulemavu lengo likiwa ni upatikanaji wa fursa ya elimu bora kwa watoto wenye uhitaji maalumu ya kielimu.

Hayo yamesemwa leo jijini  hapa na Afisa  Jeshi la Polisi dawati la jinsia na watoto  Teresia Mdendemi  wakati akichangia mada katika warsha  ya wadau wa elimu jumuishi ambapo,Mada hiyo iliyowasilishwa na mshauri mwelekezi kutoka Haki elimu Wilberforce Meena.

Tunaona watoto wenye uhitaji maalumu wana uhitaji maalumu kutokana na  hali waliyo nayo tunaamini serikali yetu ni sikivu sana kwahiyo  tunaomba kila mtoto apate haki yake ya kielimu 

Aidha  kwa upande wake Meena amesema  sera ndio inayoongoza mfumo mzima wa elimu hivyo sera iliyopita haijaweka bayana kuhusu elimu jumuishi inayolenga makundi maalumu hivyo wao   kama haki elimu wametoa mapendekezo kwa serikali  mara baada ya kutangaza mchakato wa kupitia sera ya  elimu.

 "kama shuleni mtoto mwenye mahitaji maalumu hafundishwi vizuri na hapewi vile vitu vinavyohitajika huo unakuwa ni ubaguzi kwani uelewa wake na u unakuwa tofauti  na uelewa wa watoto wengine"amesema Meena

Pia ameitaka serikali kuangalia mtaala kama ni jumuishi kwa makundi ya watoto  wenye  mahitaji maalumu.

Mtaala jumuishi ni ule ambao utawezesha wanafunzi wote kujifunza na walimu kuutekekeza kwa kuzingatia mahitaji halisi ya wanafunzi na utoaji wa elimu nyumbufu katika ngazi zote za elimu

 Meena Wilberforce

Amesema  dhana ya ujumuishi ni  watu wote wanakua wanapata kitu kwa pamoja na si kwa baadhi ya makundi  wapate na wengine wakose.

"Sera ya Elimu na mafunzo ya mwaka 2014 pamoja na sheria ya elimu ya mwaka 1978 haihitaji moja kwa moja elimu jumuishi, Elimu jumuishi inatajwa zaidi katika Sheria ya watu wenye ulemavu ya mwaka 2010 pamoja na sera ya taifa kuhusu huduma na maendeleo kwa watu wenye ulemavu ya mwaka 2004"amesema  Meena

Naye Afisa Elimu maalumu Dodoma jiji Msingi  pamoja na sekondari Agnes Mwingira   ameiomba Serikali iangalie namna bora ya kuwasaidia  watoto wenye ulemavu wanapofeli   madarasa ya  mitihani ya taifa kwani wengine wanakuwa wakirudia hata mara 3.

"Wanapopata fursa ya kufanya mitihani  wa taifa anapata wastani wa D na  kushindwa kuendelea na darasa lingine  ifike pahala waone hiyo sera wanaiwekaje ili watoto waendelee kwasababu mi kuna siku niliwahi kuulizwa na mwanafunzi mwalimu mi ntazeekea hapa wanashindwa kutokana na  changamoto waliyonayo "amesema Agness

 Kwa upande wake mwalimu  Joseph Degera kutoka shule maalum Dodoma viziwi amesema   mfumo unaojadiliwa unahitaji vitu mbali mbali  changamoto wanayoipata wao  ni lugha ya alama na kusema  katika kada ya elimu  suala la lugha bado haijapewa kipaumbele.

 "Tunawanawaomba   wadau  wa elimu waendelee kupaza sauti kwa serikali kama wnavyopaza kwa vitu vingine wakumbuke na suala la lugha ya alama katika kufundisha ili watoto wapate  mawasiliano"