JAMII YAASWA KUACHA TABIA YA KUFICHA WATOTO WENYE ULEMAVU

 

📌RHODA SIMBA

JAMII imeaswa  kuacha  tabia ya kuwaficha watoto wenye ulemavu ndani na badala yake wametakiwa kutoa fursa  ya elimu kwa watoto hao kama walivyo watoto wengine wasio na ulemavu.

Hayo yamesemwa leo jijini Dodoma na  Meneja wa mradi  wa Elimu Jumuishi, Suleiman Ibrahim mradi unaofadhiliwa na kanisa la Free Pentecoste na information center on disabilities, katika Warsha ilio wakutanisha wadau,kamati ya kulea baraza la watoto pamoja na kikundi cha wazazi.

Aidha  amesema Lengo la warsha  hiyo ni kuwaleta wadau muhimu wa elimu jumuishi ili waweze kubainisha majukumu yao na kuona namna bora  ya kutekeleza ili kufikia lengo la upatikanaji wa fursa  ya elimu bora kwa watoto wenye mahitaji maalumu ya kielimu.

Amesema katika kuwaongezea fursa watoto wenye ulemavu mradi umekua ukifanya shughuli mbalimbali za kuona namna gani miundo mbinu rafiki katika shule za mfano zinapatikana, pamoja na kutoa mafunzo kwa walimu ili kujua mbinu bora za ufundishaji.

Lakini pia tunatoa mafunzo  kwa walimu ili kujua namna ya upimaji wa watoto wenye mahitaji maalumu,kuwawezesha walimu kubaini changamoto za watoto na kutoa rufaa stahiki

Na kuongeza kusema kuwa,"kupamnana kujenga vyoo rafiki kwaajili ya watoto wenye ulemavu,kutoa elimu na mafunzo juu ya masuala ya sheria na sera kuhusu watu  wenye ulemavu,kutoa elimu na mafunzo juu ya haki za  za watoto wenye ulemavu"amesema Ibrahim.

Sambamba na hayo amesema malengo mengine  ni pamoja na kutoa vifaa visaidizi vya kufundishia na kujifunzia kwaajili ya watoto wenye ulemavu,kuendeleza harakati za ushawishi na utetezi ili kupata sera madhubuti ambayo itaeleeza bayana elimu jumuishi.

"Lakini pia tunajikita katika kuendeleza harakati za ushawishi ili kupata mtaalamu rafiki wa watoto wenye mahitaji maalumu,kufanya utetezi kwaajili ya kuongezewa fursa ya elimu kwa watoto wenye ulemavu,

"tunafanya utetezi juu ya kuongezewa kwa nafasi za watu wenye ulemavu katika utoaji wa maamuzi ndani ya jamii,kuendesha shughuli za halaiki ili kukuza uelewa  wa jamii kuhusu masuala ya ulemavu ili kupunguza mtazamo hasi"amesema Ibrahim

Pamoja na hayo amesema wao kama mradi wanaunda vikundi na kuvijengea uwezo ili kuwa sauti ya pamoja na katika kudai haki za watu wenye ulemavu na mafunzo ya viongozi wa serikali za mtaa na Halmashauri.

 Naye Rajabu Mohamed mzazi wa mtoto  anaetoka bahi sokoni ambae amenufaika na mradi huo wa elimu jumuishi anasema kwa sasa wamekuwa na uelewa tofauti na zamani  ambapo baadhi ya wazazi walikuwa wakiwaficha watoto wenye ulemavu.