WEKENI UTARATIBU MZURI WA MAWASILIANO.

 

📌Na HAMIDA RAMADHANI.

MKUU wa chuo Kikuu cha Dodoma(UDOM)Balozi Mhandisi John Kijazi ameutaka uongozi wa chuo hicho kuweka mfumo na utaratibu mzuri wa mawasiliano kati yao,utumishi na wanafunzi pale kutapotokea changamoto mbalimbali.

 Kauli hiyo imetolewa  jijini hapa wakati alipokuwa mgeni Rasmi kwenye mahafali ya 11 ambapo wahitimu 9834 walitunukiwa Vyeti katika ngazi ya Astashahada,Stashahada,Shahada,Stashahada za juu,Stashahada za umahili na shahada za uzamili.

 Amesema kuwa kuwepo kwa mfumo mzuri wa mawasiliano kutasaidia kwa kiasi kikubwa kumaliza zile changamoto zinazojitokeza kabla ya kwenda nje kwenye vyombo vya habari na mamlaka nyingine kulalamika jambo ambalo upoteza  muda mwingi. 

"Wanafunzi wengi hulazimika kwenda ngazi za juu na wengine kufanya vurugu kutokana na chuo husika kutokuwa na mfumo mzuri wa mawasiliano kati ya uongozi ,utumishi na wanafunzi hivyo nimeongea na watumishi wa hapa UDOM kuweka utaratibu mzuri wa kuwasilikiza wanafunzi na kama uongozi wa chuo utashindwa ndipo waende juu"amesema Kijazi 

 Katika hatua nyingine amewasihi wahitimu kuwa mabalozi kukitangaza chuo ndani na nje ya nchi kupitia fani walizosomea huku wa kijiamini,ujasili na kutembea kifua mbele wawapo kwenye ajira zao hali itakayopelekea kufanya kazi kwa weledi mkubwa.

 

"Nguzo kubwa ni kujiamini hata kama umejiajiri usiogope maisha, fanya kazi kwa juhudi na maarifa  ,na onyesha kuwa umetoka Udom kwani tukifanya kazi kwa pamoja tutalijenga Taifa letu " 

Amesema Balozi Kijazi 

Nae Mwenyekiti wa Baraza la Chuo hicho Gaudensia Kabaka amesema tangu kuanzishwa chuo hicho mwaka 2007 kimekuwa na wahitimu ambao wamechangia kuleta maendeleo katika jamii .

Aidha amesema chuo kimeweka mikakati na vipaumbele vya maendeleo hususani kuhusisha ukaguzi wa mahesabu ili kuisaidia Baraza kudhibiti mali za umma na kuhakikisha chuo kinafuata sheria na taratibu za fedha.

 Hata hivyo chuo kina mipango ya ujenzi wa nyumba za wafanyakazi,kuendelea na ukarabati wa ukumbi wa chimwaga na kujenga mageti matano kwenye eneo la chuo yatakayosaidia kuimalisha ulinzi na usalama katika eneo hilo na kwamba tayari uongozi umeandika barua kwenye makampuni kwa ajili ya udhamini wa ujenzi .

 Kwa upande wa Naibu Makamu mkuu wa chuo Profesa Alexander Makulilo amesema kuwa bado chuo kina kabiliwa na changamoto mbalimbali zikiwemo uchomaji moto majengo ,tetemeko la ardhi,wenyeji kuchoma moto misitu kwa ajili ya mkaa, ambapo wale watakao bainika watachukuliwa hatua kali.

Athumani Makona ni mhitimu wa PHD ya mipango ya kustaafu ambapo amesema atatumia elimu yake kuwasaidia wastaafu kwa kuwashauri na kuwapa elimu juu ya umuhimu wa kujiandaa kabla ya kustaafu kutokana na wengi wao kuwa na maisha magumu baada ya kustaafu kwa kutokujiandaa mapema.

 MWISHO