WAANDISHI WA HABARI, WAPIKWA UANDISHI WA HABARI ZA SAYANSI NA TEKNOLOGIA.

 

📌Na DEVOTHA SONGORWA.

WAANDISHI wa habari jijini Dodoma wamepatiwa mafunzo ya uandishi wa habari za kisayansi kuwajengea uwezo wa kufikisha taarifa sahihi kwa jamii wakiwemo wakulima na wafugaji.

Mafunzo hayo yaliyoanza Jana yakitarajiwa kuhitimishwa leo yanahusisha mikoa ya Singida na Dodoma yanatolewa na Tume ya Taifa ya Sayansi na teknolojia Nchini (COSTECH) kama sehemu ya kuwapa ujuzi mpya waandishi wa habari na watangazaji kuondokana na uandishi wa mazoea.

 Akizungumza katika semina hiyo Kaimu Mkurugenzi Mkuu wa (COSTECH) DK. Philbert Luhunga amesema lengo la mafunzo hayo kwa waandishi wa habari ni  kuwajengea uwezo wa kuandika taarifa hizo za kisayansi kwa lugha rahisi ili wananchi waweze kuelewa na kupata matokeo yaliyokusudiwa na yatafanyika mikoa yote nchini.

 “Lengo ni taarifa za kisayansi zitumiwe na wengi na serikali katika kufanya maamuzi yake inauma sana unafanya utafiti halafu kwa lengo la kubadili sera halafu hauendi huko kwa sababu kuna gape kwa sababu ya vyombo vya habari Tanzania wanataka kuona mchango wa wazi wa Sayansi na teknolojia lazima kuwe na flow of information kutoka kwa watafiti hadi kwa walaji”,alisema Luhunga.

 Kwa upande wake Mkurugenzi wa  Kituo cha utafiti nchini (TARI-MAKUTUPORA ) Cornel Massawe ameishauri COSTECH  kuunda Jukwaa la Wabunifu,watafiti na waandishi wa habari ili teknolojia zinazopatikana  kupitia  utafiti ziwafikie walengwa kwa urahisi na kuleta tija .

“Kuna wakati baadhi ya watafiti wanakosa lugha nzuri au nyenzo za kuwafikia walengwa wa hizo teknolojia ni wakati sasa wa COSTECH kutengeza jukwaa ili tufanye kazi kwa pamoja hapa waandishi wa habari watakuwa kati  yetu wana sehemu kubwa sana katika hili”,ameshauri Masawe.

 Nao baadhi ya Waandishi wa Habari waliohudhuria mafunzo hayo  wameishukuru COSTECH kuwapa mafunzo hayo yatakayosaidia kutekeleza majukumu yao katika hali ya ubora na kukidhi mahitaji ya jamii.

 Saida Issa ambaye ni mwandishi wa habari wa gazeti la Zanzibar leo amesema “mafunzo hayo yamemjenga katika kazi yake  hasa kufanya utafiti na kujua umuhimu wa  taarifa za utafiti ambapo lazima uwe na takwimu sahihi kutoka kwa wahusika ili usipotoshe jamii.

 Aidha Mwandishi wa habari nwa Mwangaza Fm Nazael Mkude ameeleza kwamba waandishi wengi wamekua wakiandika kwa mazoea akisema ifike wakati sasa wa vyombo vya habari kuipa umuhimu nyanja ya kisayansi kwani imechangia pakubwa kukuza sekta ya habari.

 “Tumezoea kuandika habari za michezo,siasa,burudani na zingine sasa naamini tutabadilisha mfumo tujikite habari za wabunifu tuhakikishe mtu akifungua mitandao asikose habari ya masuala ya sayansi kama inavyokuwa katika habari zingine nimefurahi sana kwa mafunzo haya”alieleza Mwandishi huyo wa habari.