UMOJA WA WANAWAKE TANZANIA (UWT) WAZINDUA MRADI WA SHULE.

 

📌NA HAMIDA RAMADHANI.

MWENYEKITI wa Umoja wa Wanawake (UWT) Taifa  Gaudensia Kabaka amesema kuwa kazi yake kubwa ni kuhakikisha anaongeza uchumi ndani wa UWT kuweza kujitegemea na kuacha kuombaomba katika chaguzi zote kuanzia chini  Matawi, Kata, Wilaya, Mkoa hadi Taifa.

 Ameyasema hayo leo jijini Dodoma wakati alipokuwa akizindua shule ya awali ( Chekechea) ya Umoja wa Wanawake Tanzania UWT ambapo amesema ni lazima umoja huo uwe na vitega uchumi.

 " Sasa mkoa ndio huu umeniita nije kuzindua vitega uchumi vyetu siwezi kuzingua zingua kusema nimechoka Lazima nije kufanya jambo hili,"amesema Kabaka.

 Kabaka Amesema hakuna anayebisha uchaguzi Mkuu 2020 kundi la akinamama walijitoa kuhakisha Chama Cha Mapinduzi (CCM) kinapata ushindi wa kishindo.

 "Nimepita Mikoa mingi hapa Tanzania na nimeshuhudia wanawake walivyokuwa wakijitoa kwenye mikutano ya hadhara na hata mikutano ya ndani na hata ya kitaifa waliokuwa wakiudhuria kwa wingi ni wanawake. amesema Kabaka.

 Amesema siasa ni uchumi kwani hata katika kipindi cha Uchaguzi zinahitajika fedha kwaajili ya kuendesha uchaguzi hivyo ni lazima kuwe na vitega uchumi na sio kuwa ombaomba.

 “Leo tumezindua miradi miwili mikubwa jengo kubwa la shule ya awali na Fremu za biashara”Amesema…..na kuongeza elimu ndio Kila kitu katika maisha na haina kukwepa kwepa Lazima Watu wataitafuta tu kwa hatua hii tuko sahihi miradi hii inawateja na wadau elimu na Haya maduka.

 "Hakikisheni mnakuwa karibu na Ofisi za elimu ili kupata maelekezo juu ya uendeshaji na kupata Aina ya walimu wazuri" .amesema Kabaka

 "Kuna wadhibiti ubora ili wasije kuifungia shule yetu kwa kukosea masharti inawezekana mmefanya mengi ila  kuweza kufanikiwa Lazima tuwe karibu na hao wadhibiti ubora"

 Naye Kaimu Katibu UWT Mkoa wa Dodoma Secilia Ndalu amesema ni jambo la kihistoria kwa wanawake wa Mkoa na hasa katika hatua hiyo kubwa walioifikia.

 Amesema walianza ujenzi mwezi Agosti 2018 hadi Desemba 2019 kwa kusafisha eneo kwaajili ya ujenzi kwa kuwachangisha wadau wetu mbalimbali wakiwemo madiwani wa viti maalumu wabunge mwenyekiti uwt na wana CCM mbalimbali .

 "Ujenzi wa maduka ulianza Mwezi Desemba 2019  hadi Desemba 2020 kwa kupata muwekezaji Ismaili Chande aliejenga maduka yaliopo mbele ya shule hii na ujenzi huo ulighalimu Milioni 51". amesema

 Mwisho.