SERIKALI YA UFARANSA KUGHARAMIA MAFUNZO KWA ASILIMIA 100.

📌Na HAMIDA RAMADHANI.

Serikali ya Ufaransa imeahidi kugharamikia mafunzo ya ufundi kwa vijana asilimia 100 nchini baada ya kufurahishwa na mipango iliyonayo Serikali na chama cha CCM.

Balozi wa Ufaransa Nchini Tanzania ,Frederic Clavier ameyasema hayo jijini Dodoma mara baada ya kufanya mazungumzo na Katibu Mkuu wa CCM Dk Bashiru Ally.

Bila kufafanua zaidi kuhusu idadi ya fedha na wanufaika, Clavier amesema amefurahishwa na Serikali ya CCM juu ya mipango ya kuwawezesha vijana  na kuwapa kipaumbele katika fursa za maendeleo.

“Tumekutana tujadili mambo muhimu kuona mwenendo wa Taifa hili hususan baada ya kushiriki uchaguzi mkuu. Lengo  ni kuboresha mahusiano mema kati ya nchi hizi mbili kwa muktadha huo  nchi yangu itasaidia mafunzo ya ufundi kwa vijana kwa asilimia 100 ili kuleta maendeleo,”amesema.

 “Ninapongeza hotuba ya Rais John Magufuli wakati wa uzinduzi wa Bunge jijini Dodoma kuhusiana na sekta binafsi. Sasa uchaguzi umepita ni wakati wa kurudi na kufanya kazi ya kulijenga Taifa kwa manufaa ya wananchi,”amesema

Pamoja na hayo,Cleaver  ameambatanisha pongezi hizo na ujumbe maalum wa barua kutoka nchini ufaransa wenye lengo la kupongeza juhudi za rais wa Tanzania dkt.John Magufuli.

Kwa upande wake katibu Mkuu wa Chama cha Mapinduzi (CCM) Dk Bashiru Ally amesema mipango waliojadili imelenga kuinua maendeleo ya vijana wa Tanzania katika maeneo ya vyuo ufundi ambayo yatakuza ujuzi na maarifa hasa kwenye uzalishaji.