JAMII YAELEIMISHWA KUTAMBUA MISINGI YA HAKI ZA BINAADAMU.

📌NA SALEH RAMADHANI.

TUME  ya haki za binadamu na utawala bora Nchini(THBUB) imesema imekuwa ikiunda vilabu kwa jamii kuanzia  shule za msingi hadi vyuoni  kwa lengo la kutoa elimu ya haki za binadamu ili Jamii iweze kuachana na mila potofu.

Mila hizo ni zile ambazo zimeonekana ni chachu ya kukithiri kwa matukio ya unyanyasaji na ukatili wa kijinsia.

Hayo yamebainisha leo Jijini Dodoma na Makamu Mwenyekiti wa Tume hiyo, Mohamed Hamad kwenye kongamano la siku 16 za kupinga ukatili wa kijinsialililofanyika katika chuo Kikuu cha Dodoma(UDOM).

Amesema kuwa lengo lao ni kuwaelimisha,kutambua misingi ya haki za binadamu na utawala Bora ikiwa ni pamoja na kufanya tafiti ili kuhakikisha jamii inanufaika na haki hizo.

‘’Sisi tume tunaona kuna mabadiliko makubwa sana katika hali ya haki za binadamu nchini,pia tunashuhudia uelewa wa watu katika kutambua umuhimu wa haki za binadamu na kuendeleza misingi yake”amesema.

Amesema bado zipo changamoto mbalimbali katika jamii hususani ukeketaji,uzalilishaji watoto na kuzalilishwa kwa wanawake ambapo amsema kuwa wakiwajengea uwezo wanafunzi itakuwa ni chachu ya mabadiliko na mchango mkubwa katika kupunguza au kuondoa ukatili wa kijinsia nchini.

‘’tunaamini kwamba wanafunzi tukiwajengea uwezo mzuri itakuwa ni msingi mzuri katika kutoa mchango na kuleta mabadiliko katika kupunguza au kuondosha ukatili wa kijinsia kwa Nyanja tofauti tofauti’’ amesema.

Naye kamishna wa Tume ya haki za binadamu na utawala bora Dr Fatma rashid halfan amesema kuwa lengo la kuanda kongamano kwa wanafunzi ni kufanya uchunguzi,kuelimisha jamii na kufanya utafiti kwa kushirikiana na wanafunzi ili kupata data nyingi za ukatili wa kijinsia katika jamii.

DK. FATMA ameongeza kuwa kila mtu anatakiwa kujua haki zake na kutambua kuwa mila na desturi zinachangia sana kurudisha maendeleo yanchi na jamii itambue kuwa ikizingatia misingi ya haki na utawala bora masuala ya ukatili wa kijinsia utatokmea kwa kiasi kikubwa.

Kwa upande wao wanafunzi wa Chuo Kikuu cha Dodoma akiwemo Rais wa Jumuiya ya wanafunzi wa Haki za Binadamu Chuo kikuu cha Dodoma(UDOM) Geneus  Kato wamekiri kuwepo kwa vitendo vya ukatili wa kijinsia katika vyuo ambapo amsema kuwa wanafunzi wa vyuo wanakumbwa sana na ukatili wa kingono huku akisema hawapo tayari kuvumilia vitendo hivyo kuviacha vikiendelea vyuoni.

‘’matukio ya ukatili wa kijinsia yanatokea sana vyuoni hususani matukio ya Ngono vyuo nayo ni matukia yanayotokea sana mara mara,sisi kama jumuiya ya                                                                                                                                                                                                                                                                                           wanafunzi tunakemea sana matukio yanayotokea vyuoni hususani rushwa ya ngono’’.amesema.

Tume ya Haki za Binadamu na Utawala Bora  ni idara huru ya serikali, iliyoundwa kama Taasisi ya kitaifa ya kukuza na kulinda haki za binadamu.

MWISHO.