NDUGAI 'AWAPA SOMO' MADIWANI "MTUMIKIE WANANCHI SIO KUWAZA POSHO TU"

📌NA BARNABAS KISENGI 

CHAMA cha Mapinduzi mkoa wa Dodoma kimezindua kampeni za kuwania nafasi ya ubunge na madiwani kupitia tiketi ya chama hicho katika Kata ya Dabalo.Jimbo la Chamwino wilayani Chamwino.

Akizindua kampeni Mjumbe wa kamati Kuu ya Chama cha Mapinduzi ambaye pia ni mgombea wa jimbo la Kongwa mkoani Dodoma Job Ndugai amewataka madiwani wa mkoa wa Dodoma kuondokana na fikra za kupata fursa za kuvuna fedha huku wakisahau kuwatumikia wananchi waliowapigia kura.

 Ndugai amesema baadhi ya wateule wa nafasi ya Udiwani fikra zao wamezielekeza kwenye halmashauri kwa ajili ya kupata posho

Madiwani wengi wenu mmekuwa mnatafuta nafasi hizo  kwa kujinufaisha nyinyi binafsi na kuwaza posho za vikao tu badala ya kuwatumikia wananchi kutatua kero zao katika

 Job Ndugai

Wakimnadi mgombea Ubunge wa jimbo hilo la Chamwino,wagombea kutoka majimbo mengine ya mkoa wa Dodoma akiwemo mgombea wa jimbo la Mvumi Livingston Lusinde na George Simbachawene  wamesema mgombea wa CCM Deogratus Ndejembi anatosha kwa Jimbo la Chamwino.

 Pia wamewaomba wananchi hao kuwapatia  kura za kutosha mgombea Urais wa CCM Dkt.John Magufuli, pamoja na madiwani wa CCM ili waweze kuleta maendeleo katika Jimbo la Chamwino ambalo ndipo inapopatikana Ikulu.

Rais Magufuli ameleta heshima kubwa mkoani Dodoma hivyo hatuna cha kumlipa zaidi ya kumpa kura nyingi za heshima

George Simbachawene

Hata hivyo Simbachawene amewasihi wananchi wa Chamwino kujitokeza kwa wingi siku ya tarehe 28 Oktoba ili kutumia haki yao ya kikatiba ya kuchagua.

Mgombea huyo wa jimbo la Kibakwe amewaambia wanaCCM kwamba kitakachotoa ushindi kwa madiwani,wabunge na Rais ni kura zao tu.

Msiseme tu Magufuli atashinda,Deo Ndejembi atashinda,kama hamtoenda kupiga kura huo ushindi haupo.

George Simbachawene

Kwa upande wake mgombea wa jimbo hilo Deogratus Ndejembi amewaomba  wananchi wamwamini kwamba yeye ni mtu sahihi katika kutatua kero za jimbo hilo na atahakikisha 10% za vijana, walemavu na wanawake zinatengwa katika halmashauri ya Chamwino  na zinawafikia walengwa.

SOMA HII PIA:MAVUNDE:MITANO ILIYOPITA NILIKUWA NAJIFUNZA NIPENI MITANO TENA NIFANYE MAAJABU