FALSAFA YA MAGEREZA KUJITEGEMEA: GEREZA ROMBO WAPOKEA ROLI KWA AJILI YA MIRADI

Kaimu Kamishna wa Huduma za Urekebu Naibu Kamishna wa Magereza Julius Sang’udi (Kulia) akimkabidhi funguo za gari hilo Mkuu wa Gereza Rombo ASP Lucas Mboje (Kushoto).

📌NA MWANDISHI WETU

DHAMIRA ya jeshi la magereza kujitegemea kiuchumi inaendelea kutekelezwa kwa vitendo ndani ya Jeshi hilo.

Akikabidhi lori aina ya Tata jijini Dodoma kwa uongozi wa gereza la Rombo mkoani Kilimanjaro,kwa niaba ya Kamishna wa Magereza Kaimu Kamishna wa Huduma za Urekebu Naibu Kamishna wa Magereza Julius Sang’udi amesema gari hilo ni sehemu ya kuhakikisha gereza hilo linajitagemea.

Naibu Kamishna Sang’udi amesema jeshi hilo limeamua kuwezesha vifaa mbalimbali ili kuyajengea uwezo magereza nchini kujitegmea kiuchumi.

Gari hili litakuwa chachu kubwa katika maendeleo ya Gereza la Rombo na pia kuhakikisha linatumika katika miradi mbalimbali ya kukuza uchumi.

Naibu Kamishna wa Magereza Julius Sang’udi

Kwa upande wake Mkuu wa Gereza Rombo,Mrakibu Msaidizi wa Magereza(ASP) Lucas Mboje amemshukuru Kamishana Jenerali wa Magereza Suleiman Mzee kwa kufanikisha upatikanaji wa gari.

ASP Mboje amesema gari hilo ni nyenzo muhimu katika kujenga uchumi imara wa gereza Rombo hivyo upatikanaji wake ni hatua ni furaha kwa watumishi wa gereza hilo.

Roli hili ni msaada mkubwa kwetu,litatusaidia katika shughuli mbalimbali za ujenzi wa nyumba za watumishi,pia Gereza la Rombo limepata tenda ya kukusanya taka eneo lote la halmashuri,hivyo gari hili litasaidia kuingiza kipato kwenye gereza

Lucas Mboje

Maafisa wa jeshi la Magereza wakiwa katika picha ya pamoja