EWURA YAANDAA MUONGOZO KUONDOA MAJI TAKA KATIKA MAKAZI

📌NA SAIDA ISSA

MAMLAKA ya udhibiti wa maji na nishati  EWURA imeandaa muongozo wakuondoa maji taka katika makazi ya watu ambao  upo katika Sheria namba5 ya Maji na usafi wa Mazingira ya Mwaka 2019 kwa Mamlaka za maji nchini ili kuwepo na  utekelezaji bora wa huduma za Maji taka Pamoja na vyoo bora kwa wananchi.

Hayo yameelezwa  Jijini hapa na Mkurugenzi wa Mamlaka za maji EWURA Exaudi Maro wakati akizungumza na waandishi wa habari kuhusu mafunzo ya kuwajengea uwezo Mamlaka za Maji 26 ambazo zinafanya kazi Makao makuu ya Mikoa.

Mkurugenzi huyo a kuwa ili muongozo huo uweze kutekelezeka wameamua kuwajengea uwezo wasimamizi wa Mamlaka za Maji nchini ambao ndio wahusika wakuu Katika utoaji wa huduma hizo.

Sasa ni jukumu la Mamlaka za Maji kuhakikisha zinatimiza wajibu wake ikiwa ni pamoja na kuelimisha jamii kuhusu Kuwa na vyoo bora  ili kuondokana na madhara yanayosababishwa na maji taka.

Exaudi Maro

Alisema Sheria namba 5 imeanisha wazi wajibu wa Mamlaka za Maji kuzalisha maji salama na yakutosha Pamoja na Wananchi Kuwa na vyoo bora na  pale inapokuwa imeshindwa kutekelezwa wajibu wake lazima Sheria ifuate mkondo wake.

"Ndio maana tumeamua kuwajengea uwezo Mamlaka za Maji ili Kuwa na uelewa wakutosha  juu ya muongozo huu na pale watakapokiuka ndipo hatua zitachukuliwa"alisema

Mbali na hilo amezishauri Mamlaka za Serikali za Mitaa kwakushirikiana na Mamlaka za maji kuhakikisha zinatumia Sheria ndogo za Serikali za Mitaa ili wananchi wawe na vyoo bora kwa lengo la kuepekukana na magonjwa ya mlipuko.

Sambamba na hili napenda nisitize Mamlaka za maji  kuwa na mfumo wa ufuatiliaji wa maji taka ili kuwa na mazingira bora katika kulinda afya za wananchi.

Exaudi Maro